పిల్లల్లో ఆస్త్‌మా

ఆస్త్‌మాలో ట్రిగ్గర్స్ అంటే ఏమిటి?

ట్రిగ్గర్స్ అంటే మీ బిడ్డపై ఆస్త్‌మా దాడిని ప్రారంభించే లేదా ఆస్త్‌మాని మరింత ఎక్కువ చేసే విషయాలు. ట్రిగ్గర్స్ ప్రతిచోటా ఉంటాయి. మీ ఇల్లు, స్కూలు, ఆట స్థలం అంతటా ట్రిగ్గర్స్ ఉండవచ్చు.
మీ బిడ్డకు కొన్ని సాధారణ ఆస్త్‌మా ట్రిగ్గర్స్:

దుమ్ము మరియు పొగ

మొక్కల నుండి పూల పుప్పొడి

స్కూల్లో చాక్పీస్ దుమ్ము

వాతావరణంలో మార్పు

నవ్వడం మరియు ఏడవడం వంటి భావోద్వేగాలు బొచ్చు జంతువుల వెంట్రుకలు మరియు పక్షుల ఈకలు శారీరక శ్రమ మరియు వ్యాయామం

మీ బిడ్డకు కేవలం ఒకే ట్రిగ్గర్ ఉండవచ్చు లేదా ట్రిగ్గర్స్‌గా పని చేసే చాలా విషయాలను మీరు కనుగొనవచ్చు. ఒకసారి మీ బిడ్డ ఆస్త్‌మాని ఏది ట్రిగ్గర్ చేస్తుందో మీరు తెలుసుకున్నాక, ఈ ట్రిగ్గర్స్‌ను నియంత్రించేందుకు చర్యలను తీసుకోవడం ముఖ్యం. మీ ఇంటి నుండి మీరు ట్రిగ్గర్స్‌ను తొలగించినప్పుడు లేదా వెలుపలి ట్రిగ్గర్స్ నుండి మీ బిడ్డను దూరంగా ఉంచినప్పుడు, మీ బిడ్డ ఆరోగ్యంగా మరియు స్వల్ప ఆస్త్‌మా దాడులకే గురయ్యేటట్లు మీరు సహాయం చేయవచ్చు. మీ బిడ్డ ఆస్త్‌మా ట్రిగ్గర్స్‌ను గుర్తించడానికి మీ డాక్టర్తో పని చేయండి.

ఇవి మీ బిడ్డ ట్రిగ్గర్స్ అయితే

మీరు ఇలా చేయండి

షీట్లు, దుప్పట్లు, దిండ్లు, తివాచీలు, సాఫ్ట్ ఫర్నిచర్, కార్పెట్లు మరియు మీ బిడ్డ స్టఫ్డ్ బొమ్మల వంటి వస్తువుల్లో ఉండే డస్ట్ మైట్లు.

వారానికి ఒకసారి పడకలపై దుప్పట్లను వేడి నీటితో ఉతకండి. పూర్తిగా ఎండబెట్టండి. దిండ్లు మరియు తివాచీలపై డస్ట్ ప్రూఫ్ కవర్లను ఉపయోగించండి. కార్పెట్లను నివారించండి. మీరు తప్పనిసరిగా కార్పెట్లను కలిగి ఉండాలంటే, వారానికి ఒకసారి వాటిని తప్పకుండా వాక్యూమ్ చేయండి మరియు మీ బిడ్డ ఇంట్లో లేనప్పుడు ఇంటిలోని దుమ్మును దులిపి, శుభ్రపరచండి. మీరు ఉతకగల స్టఫ్డ్ బొమ్మలను ఎంచుకోండి. స్టఫ్డ్ బొమ్మలను వేడి నీటిలో ఉతకండి. మీ బిడ్డ బొమ్మతో ఆడుకునే ముందుగా పూర్తిగా ఆరబెట్టండి.

పిల్లులు మరియు కుక్కలు వంటి మీ ఇంటిలోని జంతువులు.

పెంపుడు జంతువుల వెంట్రుకలు మరియు దుమ్మును నియంత్రించడంలో సహాయంగా ప్రతి వారం వాక్యూమ్ చేయండి. బొచ్చు మరియు ఈకలు ఉండే పెంపుడు జంతువులను దూరంగా ఉంచండి. మీరు ప్రధానంగా నివసిస్తున్న మరియు నిద్రపోతున్న ప్రాంతాల్లో వాటిని తిరగనివ్వకండి. మీరు తప్పనిసరిగా పెంపుడు జంతువును ఉంచుకోవాలనుకుంటే, చేపను ఉంచుకోండి.

ఆహారం

ఆస్త్‌మా ఉన్న చాలా మంది వ్యక్తులు ప్రత్యేక ఆహారాన్ని తీసుకోవలసిన అవసరం లేకపోయినప్పటికీ, కొంతమంది పిల్లలకు విత్తనాలు, గుడ్లు, ఆవు పాలు, నత్త గుల్ల, కృత్రిమ రంగు వంటి వాటి వల్ల అలర్జీ కలగవచ్చు...దయచేసి మీ బిడ్డ యొక్క ట్రిగ్గర్ను గమనిస్తూ ఉండి, వీలైనంత వరకు వాటిని నివారించి, డాక్టర్కు తెలియజేయండి.

వ్యాయామం

యోగా మరియు ఈత కొట్టడం, స్ప్రింటింగ్ వంటి క్రీడలు ఆస్త్‌మాకి ఉత్తమ వ్యాయామాలు, ఎందుకంటే వాటిలో ఆగకుండా పరిగెత్తే అవసరం ఉండదు. వ్యాయామం చేసే ముందు ఆస్త్‌మా ఉండే కొందరు పిల్లలు రిలీవర్/ రెస్క్యూవర్ను ఉపయోగించడం మంచిది. నిర్దిష్ట క్రీడలో అతను లేదా ఆమె పాల్గొనబోయే ముందు మీ బిడ్డ యొక్క డాక్టర్ను సంప్రదించండి. మీ బిడ్డకు అత్యవసర పరిస్థితుల్లో ప్రశాంతంగా ఉండటం మరియు టీచర్కు తక్షణమే సమాచారం అందించడం నేర్పండి. ఎల్లప్పుడూ మీ బిడ్డ రిలీవర్ను ఒక అదనపు ప్యాక్‌తో అతని కిట్లో అందుబాటులో ఉంచడంతో పాటు మీ ఫోన్ నంబర్తోపాటు అత్యవసర వేళల్లో తీసుకోవలసిన జాగ్రత్తలను వ్రాతపూర్వకంగా స్కూలుకు ఇచ్చి పంపండి.

బొద్దింకలు

కౌంటర్లు, సింక్లు, టేబుళ్లు మరియు ఫ్లోర్లను శుభ్రంగా మరియు చక్కగా ఉంచండి. మురికి పాత్రలను రాత్రంతా సింక్లో ఉంచకండి. ఆహారాన్ని గాలి చొరబడని కంటైనర్లలో నిల్వ చేయండి. చెత్త కుండీలకు మూత ఉంచండి.

కిచెన్లు, బాత్రూమ్లు మరియు బేస్మెంట్ల వంటి తేమ స్థలాల్లో పెరిగే పాచి.

నేలపై పాచి లేదా శిలీంధ్రాలను మీరు చూస్తే, సోప్ మరియు నీళ్లతో దాన్ని శుభ్రపరచండి. ఆ ప్రాంతాన్ని పూర్తిగా ఆరనివ్వండి. స్నానం, వంట చేసేటప్పుడు లేదా పాత్రలు కడిగేటప్పుడు, ఎగ్జాస్ట్ ఫ్యాన్లను ఉపయోగించండి లేదా బాత్రూమ్ మరియు కిచెన్లో కిటికీలు తెరిచి ఉంచండి. పాచిని పెరగకుండా చేసేందుకు నీళ్లు లీక్ అయ్యే సమస్యలను పరిష్కరించండి. పాచి పెరగకుండా ఉండేందుకు తేమ లేదా తడి వస్తువులను పూర్తిగా ఆరబెట్టండి.

పొగతాగడం మరియు వెలుపలి గాలి కాలుష్యం

మీ బిడ్డ సమీపంలో లేదా మీ ఇంటిలోనే మీరు పొగతాగవద్దు లేదా పొగతాగేందుకు మరెవ్వరినీ అనుమతించవద్దు. కర్టెన్లు, సోఫా మరియు కార్పెట్లపై పొగ చాలా కాలం వరకు ఉంటుంది కాబట్టి, అది మీ బిడ్డకు ప్రధానమైన ట్రిగ్గర్ అయ్యే అవకాశం ఉంది కాబట్టి ఇంటి వెలుపల పొగతాగమని కుటుంబ సభ్యులకు చెప్పండి. గాలి నాణ్యత బాగున్నప్పుడు మీ బిడ్డను వెలుపల ఆడుకోమని చెప్పండి. ఎక్కువసేపు పరిగెత్తే అవుట్డోర్ గేమ్లలో పాల్గొనడాన్ని పరిమితం చేయండి. మీ బిడ్డ ఆస్త్‌మా సంకేతాల పట్ల జాగ్రత్త వహించండి. మీరు సంకేతాలను గమనిస్తే, అవుట్డోర్ కార్యకలాపాలను పరిమితం చేయండి. దీని గురించి మీ బిడ్డ యొక్క డాక్టర్తో మాట్లాడటం మర్చిపోకండి. నిర్దిష్ట ఉత్పత్తిని ఉపయోగించినప్పుడు మీ బిడ్డ ఆస్త్‌మా తీవ్రం కావడాన్ని మీరు గమనిస్తే, వేరే ఉత్పత్తులను ప్రయత్నించడాన్ని పరిగణించండి. ఉత్పత్తిలోని రసాయనాలు మీ బిడ్డకు అలర్జీ కలిగిస్తూ ఉండవచ్చు. 75 నుండి 137 సిగరెట్లు గాలిని ఎంత కలుషితం చేస్తాయో దానికి సమానంగా ఒక్క మస్కిటో కాయిల్ మీ బిడ్డను అంతలా ప్రభావితం చేస్తుందని అధ్యయనాలు పేర్కొంటున్నాయి.

క్లీనర్లు, పెయింట్లు, అంటుకొనే పదార్థాలు, పెస్టిసైడ్లు, కాస్మెటిక్స్, మస్కిటో కాయిల్స్ లేదా ఎయిర్ ఫ్రెష్నర్లు సహా రసాయన ఇరిటెంట్లు.

ఉత్పత్తిని ఉపయోగించడం తప్పనిసరి అయితే, మీ బిడ్డ పరిసరాల్లో లేరని నిర్ధారించుకోండి. కిటికీలు లేదా తలుపులను తెరిచి, ఎగ్జాస్ట్ ఫ్యాన్ ఉపయోగించండి. ఎల్లప్పుడూ లేబుల్పై ఉండే సూచనలను అనుసరించాలని గుర్తుంచుకోండి.

దయచేసి గమనించండి: ఇది అన్ని ట్రిగ్గర్స్ ఉండే జాబితా కాదు. మీ బిడ్డకు ఆస్త్‌మా ఉంటే, మీరు మీ బిడ్డ యొక్క ట్రిగ్గర్ను గమనించి, వాటిని దూరంగా ఉంచమని మీ బిడ్డకు చెప్పాలి. మీ బిడ్డ యొక్క ట్రిగ్గర్స్, లక్షణాలు మరియు చికిత్స గురించి మీకు ఏవైనా సందేహాలుంటే మీ డాక్టర్ను సంప్రదించండి.