लक्षणे
साधारणपणे तुमचा जेव्हा अॅलर्जेनशी संपर्क येतो तेव्हा अॅलर्जिक र्‍हीनिटसची लक्षणे होतात आणि ती अगदी सहजपणे ओळखता येणारी असतात. काही प्राथमिक लक्षणांमध्ये यांचा समावेश आहेः
-
वारंवार शिंका येणे, खासकरून सकाळच्या लवकरच्या वेळी
-
नाक वाहणे आणि पातळ, स्पष्ट दिसणारा नाकातील द्रव घशात उतरणे ज्यामुळे घसा खवखवणे असे होते
-
डोळ्यातून पाणी येणे आणि खाज येणे
-
कान, नाक व घशात खाज येणे
नंतर विकसित होणाऱ्या लक्षणांमध्ये यांचा समावेश होतोः
-
नाक चोंदणे
-
डोकेदुखी
-
थकवा आणि चिडचिड होणे
-
कान बंद होणे
-
वास येण्याची संवेदना कमी होणे
कालांतराने, तुमच्यावर अॅलर्जेन्सचा कमी परिणाम होतो, आणि तुमच्या लक्षणांची तीव्रता पूर्वीपेक्षा कमी होते.
अॅलर्जिक र्‍हीनिटस विरूद्ध सामान्य सर्दी
अॅलर्जिक र्‍हीनिटसच्या लक्षणांना अगदी सहज सामान्य सर्दीची लक्षणे आहेत असा गैरसमज होऊ शकतो. परंतु, लक्षणांमध्ये काही ठराविक फरक असतो ज्यामुळे तुम्हाला त्या दोन्हीत फरक करण्यात मदत होते.
|
अॅलर्जिक र्‍हीनिटस |
सामान्य सर्दी |
|
अॅलर्जेन्समुळे होते. |
जंतूंमुळे होते. |
|
तुम्हाला साधारणपणे ताप येणे किंवा अंगदुखी होणे असे होत नाही. |
तुम्हाला ताप येणे आणि अंगदुखी होणे असे होते. |
|
तुमच्या नाकातील म्युकस स्पष्ट आणि पाण्यासारखा असतो. |
तुमच्या नाकातील म्युकस पिवळसर किंवा हिरवा आणि घट्ट असतो. |
|
तुम्हाला खूप वेळा शिंका येतात, शिंकांच्या अगोदर झटका थांबतो. |
शिंका वारंवार येत नाहीत आणि साधारणपणे एकाच वेळी थोडया प्रमाणात मर्यादित येतात. |
|
डोळ्यातून खूप पाणी येते. |
डोळ्यातून पाणी येत नाही. |
|
काही दिवसांपेक्षा अधिक काळ लक्षणे कायम राहतात. |
काही दिवसांत लक्षणे निघून जातात. |
तुम्हाला अॅलर्जिक र्‍हीनिटसची कोणतीही/सर्व लक्षणे आहेत असे तुम्हाला वाटल्यास, तुम्ही योग्य निदान आणि उपचारांसाठी तुमच्या डॉक्टरांचा सल्ला घेणे महत्त्वाचे आहे. अॅलर्जिक र्‍हीनिटसवर वेळेवर उपचार करणे महत्त्वाचे असते, कारण त्यामुळे किचकट समस्या होऊ शकतात, जसे की अस्थमा, कानाचा संसर्ग आणि सायनुसायटिस.
